ПРОЧИТАЈТЕ КОИ СЕ СПОРЕД МЕДИЦИНСКИТЕ ИСТРАЖУВАЊА СЕДУМТЕ НАЈВАЖНИ ХРАНЛИВИ СОСТОЈКИ ПРОТИВ ОПАЃАЊЕ НА КОСАТА

Според специјалистот за реставрација на коса д-р Ален Бауман, 20 отсто од мажитhranliviе почнуваат да ја губат косата во своите дваесетти години. Додека генетиката игра несомнено голема улога, сепак постојат и други фактори кои можат да го забрзаат процесот на губење на косата. Еден од таквите фактори е храната.

” Како и на секој друг дел од телото или компонента на здравјето, така и на косата и се потребни различни хранливи материи да расте и да биде здрава “, вели нутриционистот Ранија Батајнех. “Бидејќи хранливите материи најпрвин се дистрибуираат до виталните органи во нашето тело, пред да стигнат до косата, особено важно е да внесете доволно и разни хранливи материи за да се обезбеди здрав раст на косата. ”

Во продолжение ви ги презентираме потребните хранливи материи кои се есенцијални за здрава коса како и продуктите во кои овие хранливи материи се составен дел:

Омега-3 масни киселини

Освен што претставуваат храна за мозокот, омега-3 масните киселини го хранат целиот организам. Како такви претставуваат есенцијални нутритиенти кои стигнуваат се до фоликулите на косата и клеточните мембрани на вашиот скалп, и на тој начин ги негуваат фоликулите и промовираат раст на здрава коса. Дополнително, омега-3 масните киселни додаваат еластичност на вашата коса, спречувајќи ја од кршливост. Но, мора да бидете свесни дека нашето тело неможе самостојно да ги произведе омега-3 масните киселини, па единствен начин е да ги внесете преку конзумирање на храна богата со нив.

Храна богата со омега-3 масни киселини: ленено семе, ореви, лосос, туна , кељ, масло од семе од репка.

Цинк

Главната функција на цинкот во нашето тело е раст и поправка на ткивата. Во таа насока цинкот помага во зачувување на здравјето на вашиот скалп и коса. Цинкот исто така ги регулира хормоните (вклучително и тестостеронот) во телото и помага во оддржување на производството на секретните жлезди во скалпот, кои пак го помагаат нормалниот раст на вашата коса. Дневно не треба да внесувате повеќе од 11 мг. цинк.

Храна богата со цинк: наут, пченица, остриги, телешки црн дроб, печено говедско месо.

Протеини

Вашата коса во најголема мерка е чист протеин. Па доколку не конзумирате доволно протеини за вашите мускули и коса тогаш може да се случи да имате испакнати бицепси но ќелава глава. Испитувањата покажале и дека недоволниот внес на квалитетни протеини може да влијае на побелување на косата (губење на природниот пигмент). Доколку сте на диета, Д-р Бауман советува дека е неопходно да внесувате храна богата со високо-квалитетни природни протеини А што ако сте вегетаријанец или можеби веган? Не грижете се, постојат низа протеини кои се високо-квалитетни а се од растително потекло.

Храна богата со протеини: јогурт , јајца, кељ, кикиритки, грав, грашок, леќа, тофу, пилешко, мисирка.

Железо

Кога станува збор за здрава циркулација, конзумирањето на доволни количини на железо е круцијално. Железото помага во испораката на крвта до клетките на телото. Недоволните количини на железо значи недоволна циркулација на крв во вашиот скалп а со тоа и неможност да се испорачува доволно кислород непходен за раст на косата вели Д-р Бауман. Всушност испитувањата покажале корелација помеѓу анемичноста поради недостаток на железо и опаѓањето на косата.

Храна богата со железо: Темно лисест зеленчук, интегрални житарки, грав, црвено месо, мисирка, жолчки од јајце, школки, остриги.

Витамини А и Ц

И двата витамини придонесуваат кон производство на себум, масна материја која ја лачат фоликулите на косата. Себумот е природен кондиционер на косата кој спречува нејзино кршење. Дополнително витаминот Ц има позитивно влијание врз железото кое е клучно за добрата циркулација на крвта до сите клетки вклучително и оние на скалпот. Д-р Бауман препорачува дневната доза на венс на витамин А да не бдие поголема од 15.000 IU, зошто во спротивно може да поттикне губење на косата. Препорачливата дневна доза на витамин за мажите е 5.000 IU.

Храна богата со цитамин А и Ц: блитва , спанаќ , брокула, компир, тиква.

Магнезиум

Според Американскиот Национален институт за здравство магнезиумот е четврт најзастапен минерал во организмот и е потребен за повеќе од 300 биохемиски реакции – вклучувајќи го и растот на косата. Но, истражувањето на Медицинскиот Универзитет од Јужна Каролина покажува дека 68 проценти од возрасните американци не внесуваат доволно магнезиум преку основните хранливи состојки, што придонесува за зголемување на воспаленијата во телото. Друг резултат ? Губење на косата. Д-р Бауман истакнува дека недостатокот на магнезиум е поврзан со губење на косата како кај мажите така и кај жените.

Храна богата со магнезиум: бадеми , спанаќ, леќа, ориз.

 

Станува збор за елемет во траги кој му помага на телото во создавање на селенопротеини, кои ги регулираат репродукцијата, метаболизмот , синтезата на ДНК , и имунитетот. Селенот, исто така, ги стимулира фоликулите на косата кон раст на нова коса. Предозирање со селен може да предизвика создавање на огромни количини на селенопротеини што доведува до абнормалности на фоликулот, намален раст и губење на косата.

Храна богата со селен: Бразилски ореви, туна, ракчиња, сардини, шунка.