Во современото секојдневие, постојано слушате и гледате реклами за илјадници производи, лосиони, серуми и шампони кои ви гарантираат дека ќе го решите вашиот проблем со опаѓање на косата. И на крај, не само што нема воопшто да ви помогнат во решавање на вашиот проблем, туку и состојбата на вашата коса и скалп би можела да биде полоша од претходно. Како тогаш да знаете да репознаете кој е вистински ефикасен препарат кој би можел да ви помогне во решавање на проблемот со опаѓање на косата?
101 Hair Clinic работи единствено со производи за кои постои научна докажаност за нивната ефикасност. Што значи тоа научна докажана ефикасност? Тоа би значело дека независна референтна институција или универзитетски центри врз основа на клинички експерименти на поголеми контролни групи применуваат производ или метода во подолг временски период, најчесто од 6 месеци до 1 година. Секојдневно ги следат резултатите од нивната клиничка студија, ги регистрираат, фотографираат со специјални трихоскопски инструменти, за да на крајот од студијата дојдат до заклучок дали тој производ воопшто имал било каков ефект врз стопирање на опаѓањето на косата и промовирање на нов раст на коса, и доколку имало позитивен ефект, тогаш во кој апсолутен износ изразен во проценти изнесувал таквиот ефект. Овие резултати заедно со методологијата на истражување ги објавуваат во рецензирани високоценети меѓународни журнали со импакт фактор, како потврда за успехот или неуспехот во примената, ефикасноста и резултатите од користењето на конкретниот препарат, производ или технологија.